ئەزموونی پەیوەندییەکی دێرین لە ڕۆژە ئاڵۆزەکانی ناوچەکەدا/ مەنسوور ڕەحیمی

سەردانی بافڵ تاڵەبانی، سەرۆکی یەکێتیی نیشتمانیی کوردستان بۆ تاران لەسەر بانگهێشتی فەرمیی عەباس عێراقچی، وەزیری دەرەوەی کۆماری ئیسلامیی ئێران، لە بارودۆخێکدا ئەنجام دەدرێت کە ناوچەکە بە یەکێک لە ئاڵۆزترین قۆناغەکانی خۆیدا تێدەپەڕێت. گرنگیی ئەم سەردانە، زیاتر لەوەی بە دیداری سیاسیی ئاسایی بەرتەسک ببێتەوە، دەگەڕێتەوە بۆ پەیوەندییەکی چەند دەیەیی نێوان ئێران و یەکێتیی نیشتمانی؛ پەیوەندییەک کە لە سەردەمی جەلال تاڵەبانییەوە تا ئێستا، یەکێک لە گرنگترین بەستەرەکانی تاران لەگەڵ ڕەوتە سیاسییە کوردییەکانی عێراقدا بووە.