نێچيرڤان بارزانى پشتگیری لە هه‌نگاوه‌کانى پارێزگاری نەینەوا دەکات بۆ دابين کردنى ئارامى و سه‌قامگيرى لە پارێزگاکەدا
بەپێی هەواڵی کوردپرێس، ماڵپەڕی سەرۆکایەتیی هەرێمی کوردستان بڵاوی کردەوە له ديدارەکەدا دۆخى گشتيى نه‌ينه‌وا و بارى ئاسايش و خزمه‌تگوزارييه‌کان و ئابوورى و پرۆسه‌ى ئاوه‌دانکردنه‌وه و ئاماده‌کارييه‌کان بۆ هه‌ڵبژاردنه‌کانى داهاتووى عێراق و په‌يوه‌ندييه‌کانى هه‌رێمى کوردستان له‌گه‌ڵ پارێزگاى نه‌ينه‌وا تاوتوێ کران و هه‌ردوولا هاوڕا بوون که پێويسته دۆخى شه‌نگال له چوارچێوه‌ى ڕێککه‌وتنى حکوومه‌تى هه‌رێمى کوردستان و حکوومه‌تى فيدراڵى عێراقدا، چاره‌سه‌ر بکرێت.
هەروەها نێچيرڤان بارزانى پشتگيريى هه‌رێمى کوردستانى بۆ ئه‌رک و هه‌نگاوه‌کانى پارێزگار و ئيداره‌ى نه‌ينه‌وا بۆ دابين کردنى ئارامى و سه‌قامگيرى و چالاکيى ئابوورى و کارى مرۆيى و پرۆسه‌ى ئاوه‌دانکرنه‌وه ده‌ربڕى و جه‌ختى له‌وه کرده‌وه که هه‌رێمى کوردستان له‌گه‌ڵ ئه‌وه‌دايه ئاواره‌کانى ناوچه‌که به خواست و بڕيارى خۆيان بگه‌ڕێنه‌وه مووسڵ و ناوچه‌کانى ديکه‌ى نه‌ينه‌وا، پاش ئه‌وه‌ى ئارامى و سه‌قامگيرى له ناوچه‌کانيان جێگير ده‌بێت.
دۆخى سياسى و هه‌ڕه‌شه‌کانى تيرۆر و کرده‌وه‌کانى داعش له ناوچه‌که و چه‌ند پرسێکى جێى بايه‌خى هاوبه‌ش، ته‌وه‌رێکى ديکه‌ى ديداره‌که بوو.
کۆدی هەواڵنێر: 60113
بۆچوونی بەکارهێنەران