فوئاد مه‌عسوم دوای مانگێک لە کێشەکانی یەکێتی پەیامێکی بڵاو کردەوە
کوردپرێس:
فوئاد مەعسوم، ئەندامی دەستەی دامەزرێنەری یەکێتی نیشیمانی کوردستان و مەكتەبی سیاسی پێشووی یەكێتی لە پەیامەكەیدا ئاماژەی بەوەكردووە، هەموومان دەزانین ئەوەی ئێستا ڕوودەدات دەرەنجامی كۆمەڵێك كێشەیە، كە كۆنگرەش بەداخەوە نەیتوانی چارەسەری بكات.
راشیگه‌یاندووه، بۆیە ئێستا داواتان لێدەكەم ھەموان دور لە ھەر بەرژەوەندییەكی شەخسیی و دور لە ھەر لێكدانەوە و بیركردنەوەیەكی دەستەیی و تەنهاو تەنها بۆ سودی یەكێتی و گەلەكەمان لەخەمی چارەسەركردنی كێشەكاندا بین وە یەكێتیانەو بەسودوەرگرتن لەدونیا بینییەكانی مام جەلال تەنگژەكان بڕەوێنینەوەو هەنگاوی گەورە بهاوین بۆ تەواكردنی ئەوبەرنامانەی یەكێتی بۆ دامەزراوە.
دەشڵێت: "پێویستە ھەمووان ئەو ڕاستییەش بزانن لە درێژە كێشان و بەردەوامبونی ململانێ و ئاڵۆزیی نێوان ھەڤاڵانمان ھیچ كەس براوە و سەركەوتوو نییە، بەڵكو ھەمووان پێكەوە لەناو كەشتییەكەدا نغرۆ دەبین و ناتوانین وەڵامی خوێنی شەهیدەكانمان و كەسوكاریان بدەینەوە”.
بۆچوونی بەکارهێنەران