وەزارەتی تەندروستیی هەرێمی کوردستان ئاماری نوێی کۆرۆنای بڵاو کردەوە
بەشی عێراق و هەرێمی کوردستان- وه‌زاره‌تی ته‌ندروستیی حكوومه‌تی هه‌رێمی كوردستان رایگه‌یاند، له‌ماوه‌ی 24 كاتژمێری رابردوودا، هەزار و 695 تووشبووی كۆرۆنا تۆماركراوه.
بەپێی هەواڵی کوردپرێس، دوانیوەڕۆی ئەمڕۆ وەزارەتی تەندروستیی هەرێم ئامارێکی نوێی کۆرۆنای بڵاو کردەوە و تێیدا هاتووە، لەدوێنێوە 12 هەزار و 877 حاڵەتی پشکنین ئەنجام دراوە و لەو ژمارەیەش دەرکەوتووە هەزار و 695 کەس هەڵگری ڤایرۆسەکەن، بەوەش کۆی ژمارەی تووشبووان لە هەرێمی کوردستان گەیشتە 231 هەزار و 958 حاڵەت.
هەر بەپێی ئامارەکە، لەدوێنێوە 16 تووشبووی کۆرۆنا مردوون، بەوەش کۆی ژمارەی مردووان لە هەرێمی کوردستان گەیشتە چوار هەزار و 786 حاڵەت.
کۆدی هەواڵنێر: 60113
بۆچوونی بەکارهێنەران