ئاگر له نه‌خۆشخانه‌یێكی تایبه‌ت به كۆرۆنا له زیقار كه‌وته‌وه
بەشی عێراق و هەرێمی کوردستان- ئاگر له نه‌خۆشخانه‌ی ئیمام حسێن لە زیقار کە تایبه‌ت به تووشبووانی كۆرۆنایە كه‌وته‌وه.
کوردپرێس: بەپێی دوایین ئامارەکانی وەزارەتی ناوخۆی عێراق، ژمارەی گیانلەدەست دانەکانی ئاگرەکەی زیقار گەیشتووەتە ٣٨ کەس و دوو لەو کەسانەشی گیانیان لەدەست داوە، کارمەندی نەخۆشخانەکەن.
لە ئێستادا باری نائاسایی لە پارێزگاکە راگەیاندراوە و مستەفا کازمی سەرۆکوەزیرانی عێراقیش بەرەو پارێزگاکە بەرێکەوتووە.
لە ئێستادا تیمەکانی ئاگر کوژێنەوە سەرقاڵی کوژاندنەوەی ئاگرەکەن و بەپێی زانیارییە سەرەتاییەکان بەهۆی تەقینی بتڵی ئۆکسجینەوە ئاگرەکە کەوتووەتەوە، بەڵام نازانرێت کە هۆکاری تەقینی بتڵەکە چییە.
هێشتا ژمارەی بریندارەکان روون نییە و زیاتر لە ٣٠ نەخۆشیش لە نەخۆشخانەکەدا رزگار کراون.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران