وەزارەتی نەوت: هەرێمی كوردستان هیچ بڕە نەوتێكی رادەست نەكردوە
بەشی عێراق و هەرێمی کوردستن- وەزارەتی نەوتی عێراق ئاشكرای كرد: لەگەڵ هەرێمی كوردستان لێكتێگەیشتن هەیە بەهیوای گەیشتن بە رێكەوتن، جەخت لەوەش دەكاتەوە تائێستا هەرێم هیچ بڕە نەوتێكی ڕادەست نەكردووە.
کوردپرێس:
حامد یونس زەوبەعی بریكاری وەزارەتی نەوت بە ئاژانسی هەواڵی فەرمیی وتووە: تا ئێستا هەرێمی كوردستان هیچ بڕە نەوتێكی رادەستی بەغدا نەكردوە.
ئاماژەی بەوەش داوە: لێكتێگەیشتن لەنێوان هەرێم و بەغدا هەیە، بەهیوای گەیشتن بە رێكەوتنێكی دووقۆڵی بەشێوەیەك خزمەت بە بەرژەوەندی گشتی وڵات بكات.
سەبارەت بە نرخی نەوتیش ئەو بریكارە جەختیلەوەكردوەتەوە: عێراق رۆڵی گرنگی هەبووە لەگەڵ رێكخراوی ئۆپێك بۆ كۆنترۆڵكردنی نرخ و دۆزینەوەی باڵانس لەنێوان بەرهەمهێن و بەكارهێنەرەكاندا، جا لەگەڵ رێكخراوی ئۆپێك بێت یاخود "ئۆپێك+"، كاریگەرییەكەشی ئاشكرایە كە بەهۆیەوە نرخی یەك بەرمیل نەوت 65 دۆلاری تێپەڕاندووە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران