هێرشێکی داعش لە سنووری نێوان عێراق و سووریا کوژرانی هێزێکی عێراقیی لێکەوتەوە
بەشی عێراق و هەرێمی کوردستان- ئۆپەڕاسیۆنە هاوبەشەکانی عێراق رایگەیاند، شەوی رابردوو، چەکدارانی داعش لە سووریاوە دزەیان کردووەتە ناوچەکانی شنگال و هێرشیان کردووەتە سەر هێزە ئەمنییەکانی قەزاکە.
کوردپرێس:
ڕۆژی یەکشەممە، 14ی ئازاری 2021 ئۆپەڕاسیۆنە هاوبەشەکانی عێراق رایانگەیاند، چەکدارانی داعش هێرشیانکردە سەر هێزە ئەمنیەکانی قەزای شنگال و پێکدادانەکە نیو کاتژمێری خایاندووە و هێزێکی عێراقی لە پێکدادانەکەدا گیانی لە دەست دا.
ئەوەش لەکاتێکدایە، ماوەیێکە جموجوڵەکانى چەکدارانى داعش روویان لە زیادبوون کردووە و دوو رۆژ لەمەوبەریش، گروپی چەکداری داعش لە راگەیەندراوێکدا بەرپرسیارێتی خۆی لە کوشتنی حەوت ئەندامی یەک خێزان لە سەڵاحەدین راگەیاند.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران