لە گرتووخانەی حەسەکە دەستگیر کراوانی داعش ئاژاوە دەننەوە
بەشی سووریا- چەکدارانی دەستگیر کراوی رێکخراوی تیرۆریستیی داعش لە گرتووخانەی شاری حەسەکە لە کوردستانی سووریا، هەوڵی نانەوەی ئاژاوە دەدەن.
بەپێی هەواڵی کوردپرێس، ئەمڕۆ چوارشەممە 9-9-2020، چەکدارانی دەستگیر کراوی داعش لە گرتووخانەی سناعە لە حەسەکە، دەستیان بە ئاژاوەگێڕی کردووە و داوا دەکەن بە زوویی دادگایی بکرێن.
بەپێی زانیارییەکان، هێزێکی زۆری ئاسایشی کوردستانی سووریا لە دەوروبەری گرتووخانەکە بڵاو کراونەتەوە و تا ئێستا نازانرێ هیچ زیانێکی مرۆیی لەو ئاوەگێڕییەی ئەمڕۆی چەکدارە دەستگیرکراوەکانی داعش کەوتووەتەوە یان نا.
پێشتریش ئەو چەکدارە دەستگیرکراوانەی داعش چەند جارێک ئاژاوەگێڕییان کردووە و هەوڵی هەڵاتنیان لەو گرتووخانەیە، داوە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران