عێراق بڕی هەناردە و داهاتی نەوتی مانگی ڕابردووی بڵاو کردەوە
بەپێی هەواڵی کوردپرێس، لە بەیاننامەیێکدا کە ئەمڕۆ شەممە ١ی حوزەیرانی ٢٠١٩ عاسم جیهاد وتەبێژی وەزارەتی نەوتی عێراق بڵاوی کردەوەهاتووە: لە مانگی ئایاری ڕابردوودا توانیوویانە بڕی ١١٠ ملیۆن بەرمیل نەوت هەناردەی دەرەوە بکەن، بە شێوەیێک لە کێڵگە نەوتییەکانی ناوەڕاست و باشوورەوە توانراوە بڕی ١٠٦ ملیۆن و ٦٧٥ هەزار و ٨٨١ بەرمیل هەناردە بکەن، لەکاتێکدا لە کێڵگەکانی کەرکووکەوە بۆ بەندەری جەیهانی تورکیا توانراوە لەو مانگەدا بڕی ٣ ملیۆن و ١٦٦ هەزار و ٢٦١ بەرمیل هەناردە بکەن.
ئاماژەی بەوەش کردووە، لە کێڵگەی گەیارەی نزیک موسڵیش توانراوە بڕی ٨٩٤ هەزار و ٥٢٨ هەزار بەرمیل هەناردە بکرێت.
بەگوێرەی بەیاننامەکەی وتەبێژی وەزارەتی نەوتی عێراق، لە مانگی ئایاری ڕابردوودا ڕۆژانە بڕی سێ ملیۆن و ٤٤ هەزار بەرمیل نەوت هەناردەی دەرەوە کراوە، نرخی هەر بەرمیلێک نەوتیش گەیشتووەتە ٦٦ دۆلار و ٦٨ سەنت.
وەزارەتی نەوتی عێراق مانگانە بڕی هەناردە و داهاتی نەوتی خاوی خۆی بۆ بازاڕەکانی وزە بڵاو دەکاتەوە.
کۆدی هەواڵنێر: 60113
بۆچوونی بەکارهێنەران