یەپەگە سەرەخۆشی لە کەسوکاری سەربازانی سووریا دەکات
بەشی سووریا- یەکینەکانی پاراستنی گەل لە کوردستانی سووریا، سەرەخۆشی لە کەسوکاری کوژراوانی سوپای رژێمی سووریا دەکات.
بەپێی هەواڵی کوردپرێس، سەرلەبەیانیی رۆژی شەممە 8/9/2018 هێزێکی یەپەگە و سوپای سووریا لە سەنتەری شاری قامیشلۆ رووبەڕووی یەک بوونەوە و ژمارەیێک سەربازی سوپای سووریا کوژران.
رۆژی شەممە 15/9/2018، یەپەگە لە بەیاننامەیێکدا رایگەیاند: بەداخەوە شەڕێک لە نێوان شەڕڤانانی یەپەگە و سوپای رژێمی سووریا رووی دا.
یەپەگە هەروەها رایگەیاندووە لایەنە پەیوەندیدارەکان دەستیان بە لێکۆڵینەوە کردووە و ئەنجامەکانی لێکۆڵینەوەکەش ئاشکرا دەکرێن و داواشی لە شەڕڤانان و سەربازەکان کردووە ئارامی بپارێزن و بەرژەوەندیی نیشتمانی پێش بخەن.
هەروەک لە بەیاننامەکەدا هاتووە، یەپەگە سەرەخۆشی لە کەسوکاری سەربازە کوژراوەکانی رژێمی سووریا کردووە.
سەرچاوە: باسنیووز
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران