خبر 2018-06-25 08:05 کاتی خوێندنەوە: 2 خولەک ★ — (0)
قەبارەی دەق:
تێلێگرام واتساپ

ئەنجامی هەڵبژاردنەکانی پەرلەمان و سەرۆکایەتیی تورکیا

بەشی تورکیا- ئەنجامە بەراییەکانی هەڵبژاردنەکانی پەرلەمان و سەرۆکایەتیی تورکیا راگەیێندران. بەپێی ئەنجامەکان ئاکپارتی زۆرینەی کورسییەکانی بەدەست هێناوە. هەدەپەش بەربەرستی لە 10%ی تێپەڕاند و 67 کورسیی بەدەست هێناوە.

کوردپرێس:

لە هەڵبژاردنی سەرۆکایەتیی تورکیا، رەجەب تەیب ئەردۆغان بە بەدەستهێنانی رێژەی 52.5%ی دەنگەکان توانی بە خوولی یەکەم بۆ جارێکی دیکە ببێتە سەرۆکی تورکیا. سەلاحەدین دەمیرتاش، بەربژێری هەدەپەش لە 8%ی دەنگەکانی بەدەست هێناوە.

بەپێی ئەنجامە نافەرمییەکان، رێژەی بەشداریکردن لە هەڵبژاردنەکەدا گەیشتووەتە 87%.

هەڵبژاردنی پەرلەمان، بەپێی لە 98%ی جیاکردنەوەی دەنگەکان:

ئاکپارتی: 42.3 %

جەهەپە: 22.76%

هەدەپە: 11.25 %

مەهەپە: 11.21 %

ئیی پارتی: 10.12 %

سەعادەت: 1.40%

ئەوانی دیکە: 1.46%

بەربژێرەکانی سەرۆککۆمار، بەپێی لە 97%ی جیاکردنەوەی دەنگەکان:

- ئەردۆغان: 52.5%

- موحەڕەم ئینجە: 30.7%

- سەلاحەدین دەمیرتاش: 8.13%

- مەراڵ ئاکشەنەر : 7.41%

- تەمەل کەرەموڵڵا ئۆغڵو: 0.90%

- دۆغۆ بارینچاك: 0.20%

هەدەپە بەربەستی لە 10%ی پەرلەمانی تێپەڕاند

پارتی دیموکراتی گەلان (هەدەپە) جارێکی دیکە بەربەستی لە 10%ی بۆ گەیشتن بە پەرلەمانی تورکیا تێپەڕاند،. بەپێی دوایین ئەنجامەکانی هەڵبژاردنەکەی ئەمڕۆ، رێژەی دەنگەکانی هەدەپە گەیشتووەتە لە 10% لە هەڵبژاردنی پەرلەمانی تورکیا.

هەروەها سەلاحەدین دەمیرتاش، بەربژێری هەدەپە بۆ سەرۆککۆماری تورکیا رێژەی لە (7%)ی دەنگەکانی بەدەستهێناوە.

ئەردۆغان بە خولی یەکەمی هەڵبژاردن سەرکەوت

بەپێی ئەنجامەکانی هەڵبژاردنی سەرۆکایەتیی تورکیا، رەجەب تەیب ئەردۆغان بە خوولی یەکەمی هەڵبژاردنەکە توانیویەتی لە 50% زیاتری دەنگەکان بەدەست بهێنێت، بەوپێیەش هەڵبژاردنەکە ناچێتە خوولی دووەم.

ئیی پارتی بەربەستی لە 10%ی تێپەڕاند

پارتەکەی مەراڵ ئاکشەنەر (ئیی پارتی - پارتی باش) توانی لە یەکەم بەشداری هەڵبژاردنی تورکیادا بەربەستی لە 10%ی گەیشتن بە پەرلەمان ببڕێت.

کورسیی لایەنەکان:

کورسیی لایەنەکان لە کۆی 600 کورسی پەرلەمان بەم شێوەیەیە:

ئاکپارتی: 291 لەگەڵ مەهەپەی هاوپەیمانی (342)

جەهەپە: 147 لەگەڵ ئیی پارتی هاوپەیمانی (191)

هەدەپە: 67

مەهەپە: 49

ئیی پارتی: 46

سەرچاوە: ڕووداو

هەواڵی پەیوەندیدار

بۆچوونی بەکارهێنەران

0 بۆچوون
خاڵ:
— (0)
بۆچوونە نێردراوەکان دوای پەسەندکردنی چاودێران بڵاو دەکرێنەوە.