سەرۆکی پارتی دیموکراتی کوردستان پێشوازیی لە باڵیۆزی کەنەدا لە عێراق دەکات
بەشی عێراق و هەرێمی کوردستان- لە سەلاحەدین مەسعوود بارزانی پێشوازیی لە گریگۆری گالیگان باڵیۆزی کەنەدا لە عێراق و شاندێکی یاوەری کرد.
بەپێی هەواڵی کوردپرێس، ڕۆژی سێشەممە 8ـی مارسی 2022 لە دیدارەکەدا بارودۆخی سیاسی عێراق و کۆسپەکانی بەردەم پڕۆسەی سیاسی عێراق و ھەنگاوە دەستوریەکانی پێکھێنانی حکوومەتی تازەی عێراق تاوتوێ کران.
ھەر لەو کۆبوونەوەیەدا باڵیۆزی کەنەدا جەختی لە گرنگیی پێگەی ھەرێمی کوردستان کردەوە و ڕایگەیاند وڵاتەکەی پێزانینی بۆ قوربانیدانی گەلی کوردستان لە شەری داعش و پاراستنی پێکەوەژیانی ئایینی و نەتەوەیی لە کوردستان ھەیە و ئامادەیی وڵاتەکەشی بۆ پەرەپێدانی پەیوەندیەکان لە بواری ئابووری و زانستی و ئەکادیمی نیشاندا.
ھەروەھا بارزانی سوپاسی ڕۆڵی کەنەدای لە یارمەتیدانی پێشمەرگە و پشتیوانیکردنی گەلی کوردستان لە ڕۆژانی تەنگانەدا کرد.
بەرز ڕاگرتنی پێگەی ئافرەت لە کوردستان و فراوانکردنی بەشداریی ئافرەت لە کایە جۆراوجۆرەکانی کۆمەڵگە تەوەری تری ئەو دیدارەبوون.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران