له که‌مپه‌کان ڕێگرى له کاندیده‌کانى یه‌کێتى ده‌کرێت که بانگه‌شه‌ى هه‌ڵبژاردن بکه‌ن
بەپێی هەواڵی کوردپرێس، له‌کۆبوونه‌وه‌یێکى نێوان سه‌عدى پیره ئه‌ندامى مه‌کته‌بى سیاسى یه‌کێتى و ڕیکاردۆ ڕۆدریگێز به‌رپرسى نووسینگه‌ى یۆنامى له هه‌رێم، کێشه‌ى بانگه‌شه‌ى هه‌ڵبژاردن له که‌مپه‌کان تاوتوێ کرا و سه‌عدى پیره به‌به‌رپرسه‌که‌ى یۆنامى ڕاگه‌یاند: "به‌ناوى نه‌ته‌وه یه‌کگرتووه‌کانه‌وه ڕێگرى له بانگه‌شه‌ى هه‌ڵبژاردنى کاندیده‌کانى یه‌کێتى له که‌مپه‌کان ده‌کرێت و هه‌ر به‌ناوى ئه‌وانیشه‌وه ڕێگه به کاندیدى لایه‌نى تر ده‌درێت".
به‌رپرسه‌که‌ى یۆنامى ئه‌وه‌ى خستۆته‌ڕوو، تیمه‌کانى نه‌ته‌وه‌یه‌کگرتووه‌کان به‌شێک نین له بانگه‌شه‌ى هه‌ڵبژاردن ولایه‌نێکى چاودێر و هه‌ماهه‌نگى کارى سه‌رخستنى پرۆسه‌ى هه‌ڵبژاردنه‌کانن.
ئه‌مرۆ یه‌کێـتى به‌فه‌رمى ڕایگه‌یاند، له‌که‌مپه‌کان ڕێگرى له کاندیده‌کانیان ده‌کرێت بانگه‌شه‌ى هه‌ڵبژاردن بکه‌ن بۆیه په‌یوه‌ندیان به پارێزگارى دهۆک کردووه بۆ چاره‌سه‌رکردنى کێشه‌که.
بۆچوونی بەکارهێنەران