لە دیدار لەگەڵ باڵوێزی ئەمریکا لە عێراق باس کرا؛
قوباد تاڵەبانی: لە بەرەنگاربوونەوەی كاری نایاسایی بەردەوام دەبین
بەشی عێراق و هەرێمی کوردستان- لە میانی كۆبوونەوەی لەگەڵ باڵیۆزی ئەمریکا لە عێراق، جێگری سەرۆكی حكوومەتی هەرێم ڕایگەیاند: حكوومەتی هەرێم لە بەرەنگاربوونەوەی كاری نایاسایی و گەندەڵی بەردەوام دەبێت.
کوردپرێس:
قوباد تاڵەبانی، جێگری سەرۆكی حكوومەتی هەرێمی كوردستان بڵاوی كردەوە، لەگەڵ ماتیۆ تولەر باڵیۆزی ئەمریکا لە عێراق و، ڕۆبێرتۆ پالەدینۆ کۆنسوڵی گشتیی ئەمریکا لە هەرێمی کوردستان، لەبارەی چاكسازییەكان و هاوكارییەكانی ئەمەریكا بۆ هەرێمی كوردستان لە قۆناغی داهاتوودا گفتوگۆمان كرد.
وەك لە ڕاگەیەندراوی كۆتایی كۆبوونەوەكەدا هاتووە: هەردوولا هاوڕابوون هەڵبژاردنی ئەنجومەنی نوێنەران لە كاتی دیاریكراوی خۆیدا ئەنجام بدرێت و پرۆسەیەكی پاك و بێگەرد بێت.
جێگری سەرۆكی حكوومەت جەختی كردەوە حكوومەتی هەرێم لە بەرەنگاربوونەوەی كاری نایاسایی و گەندەڵی بەردەوام دەبێت.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران