مەسعوود بارزانی و باڵیۆزی بەریتانیا لە عێراق، کۆ بوونەوە
بەشی عێراق و هەرێمی کوردستان- لە سەلاحەددین مەسعوود بارزانی سەرۆکی پارتی دیموکراتی کوردستان پێشوازیی لە مارک بریسۆنن ریچاردسۆن باڵیۆزی بەریتانیا لە عێراق و شاندێکی یاوەری کرد.
بەپێی هەواڵی کوردپرێس، نووسینگەی مەسعوود بارزانی بڵاوی کردەوە لەو دیدارەدا بارودۆخی سیاسی و دوایین پێشهاتەکان لە گۆڕەپانی سیاسی و ئەمنی عێراق و هەڵبژارنەکانی داهاتووی عێراق و تەحەددیاتی بەردەم پرۆسەی سیاسی و هەڵبژادنەکان تاوتوێکرا.
هەر لەو کۆبوونەوەیەدا باڵیۆزی تازەی بەریتانیا پێزانینی هەبوو بۆ هەوڵەکانی چاکسازی و کاراترکردنی هێزی پێشمەرگەی کوردستان، و بوونی هەماهەنگی نێوان هێزی پێشمەرگەی کوردستان و هێزەکانی سوپای عێراقی بە ئیجابی وەسف کرد.
پەیوەندییەکانی نێوان هەرێمی کوردستان و بەریتانیا تەوەرێکی تری ئەو دیدارەبوو و بارزانی هیوای سەرکەوتنی بۆ باڵیۆزی تازەی بریتانیا خواست لە ئەرک و کارەکانیدا.
کۆدی هەواڵنێر: 60113
بۆچوونی بەکارهێنەران