کازمی لە کۆتاییی سەردانەکەی بۆ ئەمریکا:
هێزە ئەمریکییەکان تا کۆتاییی ئەمساڵ لە عێراق دەکشێنەوە
بەشی عێراق و هەرێمی کوردستان- سەرۆکوەزیرانی عێراق لە کۆتاییی سەردانەکەی بۆ عێراق لەبارەی ڕێککەوتنی نێوان بەغدا و واشەنتن بۆ کشانەوەی هێزە ئەمریکییەکان لە عێراق، گوتی ئەو هێزانە تا کۆتاییی ئەمساڵ بە تەواوی لەعێراق دەکشێنەوە.
کوردپرێس:
ڕۆژی پێنجشەمە 29ی تەمووزی 2021 مستەفا کازمی سەرۆکوەزیرانی عێراق لە کۆتاییی سەدانەکەی بۆ ئەمریکا ڕایگەیاند پاش سەردانێکی سەرکەوتوو بۆ ئەمریکا لێکگەیشتنی سیاسی و ئابووریی و کەلتووریی باشمان هەبوو و ڕێککەوتین لە سەر گۆڕینی پێوەندیی ئەمنی و بڕیار درا تەنها مەشق و ڕاوێژی سەربازی بمێنێت و چیتر هێزی ئەمریکی لە خاکی عێراق نەمێنێتەوە.
کازمی گوتیشی: هیوامان ئەوەیە بۆ خزمەت کردن بە گەلی عێراق پێکەوەبوونی کۆمەڵایەتی و سیاسی بەرز بکەینەوە و پێوەندییەکان بۆ بەهێزکردنی هاوکاری و گفتوگۆ بەردەوام بێت.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران