بڕیاردەری فراکسیۆنی یەکگرتوو لەپەرلەمانی کوردستان:
لەساڵی 2015 وە تا ئێستا فەرمانبەرانی هەرێم 34 مووچەیان بە پاشەکەوتەوە وەرگرتووە
بەشی عێراق و هەرێمی کوردستان- بڕیاردەری فراکسیۆنی یەکگرتووی ئیسلامی لە پەرلەمانی کوردستان ڕایدەگەیەنێت لەساڵی 2015 وە تا ئێستا فەرمانبەرانی هەرێم 34 مووچەیان بە پاشەکەوتەوە وەرگرتووە و 12 مووچەیان هەر بەتەواوی وەرنەگرتووە.
بەپێی هەواڵی کوردپرێس، سەرچنار ئەحمەد بڕیاردەری فراکسیۆنی یەکگرتوو لەپەرلەمانی کوردستان لە نووسینێکدا دەڵێت "لەساڵی 2015 وە تا ئێستا فەرمانبەرانی هەرێم 34 مووچەیان بە پاشەکەوتەوە وەرگرتووە و 12 مووچەیان هەر بەتەواوی وەرنەگرتووە و 10 مووچەشیان بەلێبڕینەوە وەرگرتووە".
ناوبراو دەشڵێت "پێویستە چیتر حکوومەت ستەم لە فەرمانبەران نەکات و لەبەرامبەر ئەرکەکانیاندا مافەکانیان بۆ دەستەبەر بکات، لەسەرەتاییترینی مافەکانیشیان وەرگرتنی مووچەی تەواوە بەبێ دواکەوتن و بڕین و پاشەکەوت کردن".
کۆدی هەواڵنێر: 60113
بۆچوونی بەکارهێنەران