نەتەوەیەکگرتووەکان ئیدانەی پەلامارە تیرۆرستییەکەی بەغدا ده‌كات
بەشی جیهان- سکرتێری گشتیی نەتەوە یەکگرتووەکان، ئه‌نتۆنیۆ گوتێرێس، ئیدانەی تەقینەوەکەی ناوچەی سەدری بەغدای کرد.
بەپێی هەواڵی کوردپرێس نوسینگەی تایبەتی ئه‌نتۆنیۆ گوتێرێس، لە راگەیەندراوێکدا ئیدانەی تەقینەوەکەی کردووە و سەرەخۆشی لە خانەوادەی قوربانییەکان، گەل و حکوومەتی عێراق کردوە.
لە راگەیەندراوەکەدا، جەخت لەوەش کراوەتەوە کە پێویستە بەزووترین کات ئەنجامدەرانی تەقینەوەکە بدۆزرێنەوە و بدرێنە دەست یاسا و تێیدا هاتووە: ئەم تەقینەوە دڕندانەیە ئەوەی وەبیرهێناینەوە کە تیرۆر هیچ سنوورێک نازانێت.
دوێنێ لە بازاڕێکی میللی ناوچەی سەدری بەغدا، تەقینەوەیەک روویدا و بەگوێرەی ئامارە سەرەتاییەکان به‌هۆیه‌وه بەپێی دوایین ئامارەکان 80 کەس گیانیان لەدەست داوە.
سەرچاوە: kurdistan tv
کۆدی هەواڵنێر: 60113
بۆچوونی بەکارهێنەران