ڕاگەیێندراوی لاهوور شێخ جەنگی لەبارەی کۆبوونەوەی لەگەڵ بنەماڵەی شەهیدان
کوردپرێس:
لە ڕاگەیەنراوێكدا، لاهوور شێخ جەنگی، هاوسەرۆكی یەكێتی، ناوەڕۆكی كۆبوونەوەكەی لەگەڵ بەشێك لە كەسوكاری شەهیدان بڵاوكردەوە و نوسیویەتی: ئەمڕۆ لە شاری سلێمانی لە خزمەت بەشێکی زۆر لە کەسوکاری سەربەرزی شەهیداندا بووم، سوپاسی پەرۆشی و دڵسۆزییان دەکەم بۆ پاراستنی ناوماڵی یەکێتیی، بەڵێنم بۆ دووپاتکردنەوە کە هەموو هەوڵێک دەخەینەگەڕ بۆ پاراستنی ئەو یەکێتییەی کە بەرهەمی خوێنی شەهیدەکانە و هەر ئەوەشمان کرد.
دەشڵێت: دوپاتی دەکەمەوە یەکێتیی حزبی ئەندام و کادر و لایەنگرە دڵسۆزەکانیەتی و تا یەکێتیی خاوەنی ئەو جەماوەرە دڵسۆز و خەمخۆرە بێت، ئایندە هەر بۆ یەکێتیی دەبێت و هەمیشە لە لووتکەدا دەمێنێتەوە.
دوای كۆبونەوەی لەگەڵ كەسوكاری شەهیدان، ئێوارەی ئەمڕۆ، مەکتەبى سیاسى یەکێتى نیشتیمانى کوردستان بە ئامادەبوونى هاوسەرۆکى یەکێتى کۆبووەو تیایدا بریاردرا کە لاهور شێخ جەنگى بە هاوسەرۆکى یەکێتى بمێنێتەوە، بەڵام بە مەرج.
بۆچوونی بەکارهێنەران