بەرهەم ساڵح جەخت لە بەڕێوەچوونی هەڵبژاردنەکان لە وادەی خۆیدا دەکات

بەپێی هەواڵی کوردپرێس، بەرهەم ساڵح، سەرۆک کۆماری عێراق لەمیانی پێشکەش کردنی وتارێک لە چوارەمین کۆنگرەی رێکخراوەکانی کۆمەڵگەی مەدەنی لە بەغدا ئاماژەی بەوە کرد، دۆخی ئێستای عێراق بە قۆناغێکی هەستیار و مەترسیدار تێدەپەڕێت، بۆیە داوا لەلایەنەکان دەکەن بەرژەوەندی باڵای وڵات بخەنە پێش هەموو بەرژەوەندییەکانی دیکە.

ناوبراو باسی لەوەش کرد، لەکۆمەڵگەی مەدەنیدا دەبێت هەمووان لەژێر چەتری بنەما دەستوورییەکاندا بن و داواش دەکەن هەمووان پشتیوانی رێکخراوەکانی کۆمەڵگەی مەدەنی بن.

پەیوەست بەپرسی چاکسازی و هەڵبژاردنەکانیش بەرهەم ساڵح جەختی کردەوە لەوەی ئەنجامدانی چاکسازی هەمەلایەن بەرپرسیاریەتی هەمووانە و لەم کاتەدا گەڕانەوە بۆ خەڵک چارەسەری بەرەنگاربوونەوەی ئاڵنگارییەکانە.

شایانی باسە ئەمڕۆ شەممە بەبەشداری سەرۆک بەرهەم، سەرۆکی پەرلەمان، نوێنەری نەتەوە یەکگرتوەکان و سەرۆکی رەوتی حیکمەی نیشتیمانی، چوارەمین کۆنگرەی رێکخراوەکانی کۆمەڵگەی مەدەنی لەبەغدا دەستی بەکارەکانی کرد.

کۆدی هەواڵنێر: 60113