نێچیرڤان بارزانی سەردانی سلێمانی دەکات
بەشی عێراق و هەرێمی کوردستان- بڕیارە سەرۆکی هەرێمی کوردستان لە سلێمانی سەردانی هەر یەک له یەکێتیی نیشتمانیی کوردستان و بزووتنەوەی گۆڕان بکات.
بەپێی هەواڵی کوردپرێس، نێچیرڤان بارزانی سەرۆکی هەرێم لەگەڵ بەرپرسانی یەکێتی و گۆڕان باس لە دۆخی هەرێمی کوردستان، پەیوەندی نێوان لایەنە سیاسییەکان، پەیوەندییەکانی نێوان هەولێر و بەغدا، هەڵبژاردنی داهاتووی پەرلەمانی عێراق و بابەتی نووسینەوەی دەستوورێکی نوێ بۆ هەرێمی کوردستان دەکات.
رۆژی دووشەممە نێچیرڤان بارزانی لە هەولێرەوە دەستی بە کۆبوونەوەکانی کرد و لەگەڵ عەلی باپیر، سەرۆکی کۆمەڵی دادگەریی کوردستان و سەلاحەدین بەهائەدین، ئەمینداری گشتیی یەکگرتووی ئیسلامیی کوردستان باسی چەند پرسێکی پەیوەست بە هەرێم و عێراقیان کرد.
کۆدی هەواڵنێر: 60113
بۆچوونی بەکارهێنەران