نێچیرڤان بارزانی دەستپێشخەرییێک بۆ کۆبوونەوەی حیزبەکان رادەگەیێنێت
بەشی عێراق و هەرێمی کوردستان- راوێژکاری باڵای سەرۆکی هەرێمی کوردستان رایگەیاند، لەم رۆژانەدا نێچیرڤان بارزانی دەستپێشخەرییەکەی رادەگەیێنێت و حیزب و لایەنە سیاسییەکان کۆ دەکاتەوە.
بەپێی هەواڵی کوردپرێس، فەلاح مستەفا، راوێژکاری باڵای سەرۆکی هەرێمی کوردستان بە تۆڕی میدیایی رووداوی راگەیاند، نێچیرڤان بارزانی، سەرۆکی هەرێمی کوردستان، کۆ کردنەوەی حیزب و لایەنە سیاسییەکانی هەرێمی کوردستانی خستووەتە بەرنامەی کارییەوە و لەم رۆژانەدا دەستپێشخەرییەکە رادەگەیێنێت.
راوێژکاری باڵای سەرۆکی هەرێمی کوردستان گوتیشی: "نێچیرڤان بارزانی، ئامانجیەتی سەرۆکایەتیی هەرێمی کوردستان بکاتە چەتری کۆکەرەوەی هەموو لایەنە سیاسییەکان، بەتایبەتی لە ساڵیادی بڕیاری 688 و دروست کردنی ناوچەی دژەفڕین، کە لە مانگی نیساندا بڕیاریان لەبارەوە درا، لەو یادانەدا یەکڕیز و ئاشتەوایی رابگەیێندرێت".
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران