هێرشێکی داعش لە خورماتوو دوو قوربانیی لێکەوتەوە
بەشی عێراق و هەرێمی کوردستان- شەوی ڕابردوو لە سنووری قەزای خورماتوو چەکدارانی داعش هێرشیان کردووەتە سەر هێزە عێراقییەکان و بەو هۆیەوە پۆلیسێک کوژراوە و پۆلیسێکی دیکەش بریندار بووە.
کوردپرێس: عەقید مەهدی حەسەن، بەڕێوەبەری پۆلیسی ناحیەی سلێمان بەگی سەر بە قەزای خورماتوو، ئەمڕۆ دووشەممە 15ی 2ی2021، بە باسنیووز-ی ڕاگەیاندووە: "شەوی ڕابردوو، لە گوندی یەنگیچەی سنووری ناحیەکە، تیرۆریستانی داعش پەلاماری پۆلیسی خۆجێیان داوە".
ناوبراو گوتیشی: "لە ئاکامی ئەو پەلامارە پۆلیسێک کوژرا و پۆلیسێکی دیکەش بریندار بووە".
بەڕێوەبەری پۆلیسی سلێمان بەگ ڕاشیگەیاند: "تا بەرەبەیانی ئەمڕۆ دووشەممە هێزەکانی پۆلیس بۆ هەر ئەگەر و پەلاماری دیکەی داعش لە ناوچەکە، لە ئامادەباشیدا بوون".
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران