لە بازگەی تاسڵوجە لە سلێمانی شەڕ دروست بوو/ ئەندامێکی هێزەکانی ئاسایش گیانی لەدەست دا
بەشی عێراق و هەرێمی کوردستان- لە بازگەی تاسڵوجە، شەڕ لە نێوان هێزی ئاڵتوونی و ئاسایش دروست بووە و بەهۆیەوە چەند ئەندامێکی هێزەکانی ئاسایش بریندارن و ئەندامێکیش گیانی لەدەست دا.
کوردپرێس:بەگوێرەی زانیارییەکانی کوردستان24، سەرەتا دەمەقاڵێ لە نێوان هەردوولا دروست بووە، دواتر رووبەڕووبوونەوە روویداوە چوار ئەندامی دیکەش بریندار کراون و ئێستا لە نەخۆشخانە چارەسەر وەردەگرن.
هەر بەهۆی دروست بوونی رووبەڕووبوونەوەی لە نێوان هێزی ئاڵتوونی و هێزەکانی ئاسایش لە بازگەی تاسڵوجە، ئەندامێکی هێزەکانی ئاسایش گیانی لەدەستدا کە بە چەقۆ بریندارکرابوو.
بە گووتەی سەرچاوەکان، لە ئێستادا کێشەکە چارەسەر کراوە.
کۆدی هەواڵنێر: 60113
بۆچوونی بەکارهێنەران