وەزیری بەرگریی تورکیا لەگەڵ بەرپرسانی باڵای هەرێمی کوردستان کۆ بوویەوە
بەشی عێراق و هەرێمی کوردستان- خلووسی ئاکار، وەزیری بەرگریی تورکیا لە هەولێرە لەگەڵ بەرپرسانی باڵای هەرێمی کوردستان کۆبوویەوە و لەبارەی چەند تەوەرێکی گرنگ تاوتوێ دەکەن.
بەپێی هەواڵی کوردپرێس، شەوی رابردوو خولووسی ئاکار وەزیری بەرگریی تورکیا لە رێگەی فڕۆکەخانەی نێودەوڵەتیی ھەولێر گەیشتە ھەرێمی کوردستان، لە یەکەم وێستگەی دیدار و کۆبوونەوەکانیدا ئەمڕۆ لەگەڵ مەسعوود بارزانی سەرۆکی پارتی دیموکراتی کوردستان کۆ بووەوە.
تەلەفیزیۆنی کوردستان24 ڕایگەیاند پەیوندییەکانی نێوان هەرێمی کوردستان و تورکیا و هەماهەنگی سەربازیی و ئەمنی تەوەری سەرەکی کۆبوونەوەکە بووە.
هەروەها کەمێک پێش ئێستا کۆبوونەوەی نێوان مەسروور بارزانی سەرۆکی حکوومەتی ھەرێمی کوردستان و خولووسی ئاکار وەزیری بەرگریی تورکیا دەستیپێکرد.
بەگوێرەی زانیارییەکان، یەکێک لە تەوەرەکانی کۆبوونەوەی نێوان سەرۆکی حکوومەتی ھەرێمی کوردستان و وەزیری بەرگریی تورکیا پەیوەندییەکانی نێوان ھەولێر و ئەنقەرە دەبێت.
کۆدی هەواڵنێر: 60113
بۆچوونی بەکارهێنەران