حکوومەتی هەرێم: ساڵی 2020 هەشت مووچەمان دابەش کردووە
بەشی عێراق و هەرێمی کوردستان- حکوومەتی هەرێمی کوردستان ڕایگەیاندلە ساڵی 2020دا هەشت مووچەی دابەش کردووە.
بەپێی هەواڵی کوردپرێس، فەرمانگەی میدیا و زانیاریی حکوومەتی هەرێمی کوردستان ئەوەی خستووەتەڕوو، لە ساڵی ٢٠٢٠دا هەشت مووچەی دابەش کردووە، کە بەشێکی پارەکە لەلایەن حکوومەتی هەرێمی کوردستان و بەشێکی دیکەشی لەلایەن حکوومەتی فیدڕاڵییەوە دابین کراوە.
حکوومەتی هەرێمی کوردستان ڕاشیگەیاند هاوکات، کۆی گشتیی ئەو پارەیەش کە دابەش کراوە زیاتر لە شەش تریلیۆن و ٥٠٠ ملیار دینارە.
فەرمانگەی میدیا و زانیاریی حکوومەتی هەرێم خشتەی دابەش کردنی مووچەی فەرمانبەرانی ساڵی رابردووی بڵاو کردووەتەوە و بەپێی خشتەکە، ئەو پارەیەی حکوومەتی هەرێمی کوردستان بۆ پێدانی مووچە دابینی کردووە، 63.8٪ـە و حکوومەتی عێراقیش 36.1٪ـی کۆی گشتیی مووچەی ساڵی رابردووی دابین کردووە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران