گفتوگۆ هەیە بۆ پێکهێنانى هاوپەیمانێتییەکى گەورە لەگەڵ حزبە عەرەبەکان
بەپێی هەواڵی کوردپرێس، هۆشیار زێبارى، ئەندامی مەکتەبى سیاسیى پارتى دیموکراتى کوردستان لە گفتوگۆیێکى تەلەفزیۆنیدا، باسى لەوە کرد، لەئێستادا گفتوگۆیێک هەیە لەناو حزبە کوردیەکاندا لەسەر ئەگەرى بەشداری کردن لە هەڵبژاردنەکانى داهاتوو بە هاوپەیمانێتیێکى سیاسى گەورە کە لەسەرجەم لایەن و نەتەوە و ئایینەکان پێکهاتووە.
زێباری وتیشى، لەئێستادا گفتوگۆکان لەسەر کوتلە سیاسیە سونیەکانى نزیک لە حزبە کوردیەکانە، هەروەها کوتلە شیعیەکان و دواتریش پێکهێنانى هاوپەیمانێتى لەگەڵیاندا بە یەک لیستى نیشتمانى.
زێبارى ئەوەشى ڕوون کردووەتەوە، تائێستا گفتوگۆکان نەگەیشتونەتە کۆتایى لەو بارەیەوە، بەڵام تائێستا لێکۆڵینەوەى لێدەکرێت لەناو ناوەندە کوردستانیەکان، ئەوەى لەئێستادا پێشنیار کراوە ئەوەیە کە ئەو هاوپەیمانێتیە بە بەشدارى ئەو کوتلە کوردیانە دەبێت کە سەنگیان هەیە نەک کەسەکان، هەروەک لە هەڵبژاردنەکانى پشوو ڕوویان دا.
کۆدی هەواڵنێر: 60113
بۆچوونی بەکارهێنەران