ئه‌ندامی ئه‌نجومه‌نی نوێنه‌رانی عێراق له فراکسیۆنی گۆڕان:
پشکی هەرێمی کوردستان لە پڕۆژە یاسای بودجەی 2021ی عێراق زیاترلە 13 تلیۆن و 904 ملیار دیناره
بەشی عێراق و هەرێمی کوردستان- ئه‌ندامی ئه‌نجومه‌نی نوێنه‌رانی عێراق له فراکسیۆنی گۆڕان رایده‌گه‌یه‌نێت پشکی هەرێمی کوردستان لە پڕۆژە یاسای بودجەی عێراق 2021 دەکاتە 13 تلیۆن و 904 ملیار و 452 هه‌زار دینار.
بەپێی هەواڵی کوردپرێس، غالب محه‌مه‌د ئه‌ندامی ئه‌نجومه‌نی نوێنه‌رانی عێراق له فراکسیۆنی گۆڕان له لاپه‌ڕه‌ی خۆی له تۆڕی کۆمه‌ڵایه‌تی فه‌یسبووک بڵاوی کردووه‌ته‌وه، هه‌رێمی کوردستان پابه‌ندی یاسای بودجه‌ی 2021 بێت و نه‌وت راده‌ست بکات و مووچه به‌بێ لێبڕین بدات، ئه‌وانیش وه‌ک په‌رله‌مانتاران پشتیوانی لێده‌که‌ن.
غالب محه‌مه‌د ئه‌وه‌شی باس کردووه: "ئەوانه‌ی سێ ساڵە مێشکی خەڵکیان بردووە و دەڵێن، نەوت تەسلیم دەکەین دەی فەرموون 250 هەزار بەرمیل نەوت تەسلیم بکەن لەگەڵ نیوەی داهاتی مەرزەکان، بەشە بوودجەی هەرێم وەرگرن ئێمەش لە پەرلەمانی عێراق پیشتوانیتان دەکەین بە شەرتێک مووچەی خەڵک لە کاتی خۆیدا بێ لێبرین بدرێت".
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران