پێشەوا هەورامانی:
ڕاگرتنی پەخشی بەرنامەی تاوتوێی NRT پێوەندیی بە حکوومەتی هەرێمەوە نییە
وتەبێژی حکوومەتی هەرێمی کوردستان ڕەتی دەکاتەوە، هێزێکی سەر بە حکوومەتی هەڵی کوتابێتە سەر کەناڵی NRT و ڕایگەیاند، حکوومەت هیچ پەیوەندییەکی بەو ڕووداوەوە نییە.
بەپێی هەواڵی کوردپرێس، پێشەوا هەورامانی، وتەبێژی حکوومەتی هەرێمی کوردستان بە کوردستان۲۴ـی ڕاگەیاندووە: هیچ هێزێکی وەزارەتی ناوخۆ هەڵی نەکوتایتە سەر کەناڵی NRT و حکوومەتی هەرێمی کوردستان هیچ پەیوەندییەکی بەو ڕووداوەوە نییە؛ هاوکات سەبارەت بەوەی ئەو کەناڵە هێزەکانی حکوومەتی تۆمەتبار کردووە وتی: دەکرێت لە ژێر هەڕەشە و بۆ پاراستنی ژیانی خۆیان ئەو کارەیان کردبێت.
ئەمەش لە کاتێکدایە، ئێوارەی ڕۆژی یەکشەممە هێزێکی ئەمنی بەرنامەی تاوتوێی کەناڵی NRT لەگەڵ شاسوار عەبدولواحید ڕاگرت.
بۆچوونی بەکارهێنەران