ئاراس شێخ جەنگی:
دژی بەکار هێنانی هێزی چەکدارین بۆ یەکلایی کردنەوەی کێشەکان
ئاراس شێخ جەنگی برای لاهوور شێخ جەنگی لەبارەی ئاڵۆزییەکان لە شاری سلێمانی هاتەدەنگ و لە پەیامێکدا دژایەتی خۆی بۆ بەکار هێنانی هێز بۆ چارەسەریی کێشەکان ڕاگەیاند.
بەپێی هەواڵی کوردپرێس، براکەی لاهوور شێخ جەنگی لە پەیجی خۆی لە فەیسبووک بڵاوی كردووەتەوە: "من هەموو کات دژی گێرەشێوێنی و بەکار هێنانی هێزی چەکدار بووم بۆ یەکلایی کردنەوەی کێشەکان".
ناوبراو دەشڵێت: "بۆیە ئێستاش ئەمشەو کە بیستم یەکێتی نوێ هێزی بڵاو کردۆتەوە لە ناو سلێمانی، ئەم کارە بە کارێکی خراپ ئەزانم وە ئەمە ئەبێتە هۆی ئەوەی کە سلێمانی و دەورو بەری بچێتە دۆخێکی نەخوازراو".
ئاراس شێخ جەنگی ڕاشیگەیاندووە: "بۆیە داوا لە سەرانی یەکێتی نوێ دەکەم کە ئەم هێزانە بگەڕێننەوە شوێنەکانی خۆیان، چوونکە بەرپرسیاریەتی هەر ئەگەرێک ئەکەوێتە ئەستۆی ئەوان".
#هەرێمی کوردستان
#کوردپرێس
#یەکێتیی نیشتمانیی کوردستان
#کورد
#کوردستان
#لاهوور شێخ جەنگی
#سلێمانی
#بافڵ تاڵەبانی
#ئاراس شێخ جەنگی
#هێزی چەکداری
#کوودەتا
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران