بەرهەم ساڵح و نێچیرڤان بارزانی:
پێویستە پەلە بکرێت لە پێکهێنانی حکوومەتی نوێی هەرێم
سەرۆکی هەرێمی کوردستان لەگەڵ بەرهەم ساڵح کۆ بوویەوە و هەردوولا بە پێویستیان زانی پەلە لە پێکهێنانی کابینەی داهاتووی حکوومەت بکرێت.
بەپێی هەواڵی کوردپرێس، نێچیرڤان بارزانی و بەرهەم ساڵح، سەرۆک کۆماری پێشووی عێراق لە دیدارەکەدا "بارودۆخی ناوخۆی هه‌رێمی کوردستان و هه‌وڵه‌کانی پێکهێنانی کابینه‌ی نوێی حکوومه‌تی هه‌رێمی کوردستان و دۆخی گشتیی عێراقیان تاوتوێ کرد، هه‌روه‌ها ده‌رباره‌ی دوایین پێشهاته‌کانی ناوچه‌که، بیروڕایان گۆڕییه‌وه".
سەرۆکایەتیی هەرێمی کوردستان دەڵێت: "هەردوولا به پێویستیان زانی په‌لە له دامه‌زراندنی کابینه‌ی داهاتووی حکوومه‌تی هه‌رێمی کوردستان بکرێت، هه‌روه‌ها داکۆکییان له گرنگیی بەهێزکردنی لێکگەییشتن و هه‌ماهه‌نگی و هاریکاریی نێوان لایەنە سیاسییه‌کان له عێراق و هه‌رێمی کوردستان کرده‌وه، بە جۆرێک کە خزمەت بە سەقامگیریی وڵات و بەرژەوەندیی هاووڵاتیان بکات".
#کوردپرێس
#پێکهێنانی حکوومەت
#کابینەی دەیەم
#کورد
#کوردستان
#حکوومەتی هەرێمی کوردستان
#بەرهەم ساڵح
#نێچیرڤان بارزانی
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران