لە سنووری ڕانیە لە ڕووداوێكی شەڕە تەقەدا دوو كەس كوژران

بەشی عێراق و هەرێمی کوردستان- هەینی لە ناحیەی چوارقوڕنەی سەر بە قەزای ڕانیە و لە ڕووداوێكی شەڕەتەقەدا لە نێوان دوو بنەماڵەدا دووكەس كوژران.

بەپێی هەواڵی کوردپرێس، شۆڕش ئیسماعیل، وتەبێژی بەڕێوەبەرایەتی پۆلیسی ڕاپەڕین بە شارپرێس-ـی ڕاگەیاند "هێزەكانمان لە بنكەی پۆلیسی بیتوێن لە ناحیەی چوارقوڕنە ئاگادار كرانەوە كە لە ڕووداوێكی تەقەكردن بەهۆی كێشەی كۆمەڵایەتیەوە كەسێك گیانی لە دەست داوە".

ناوبراو وتیشی "لە ڕوداوەكەدا كەسێكی تریش برینداربووە و دوای گەیاندنی بۆ نەخۆشخانە و چارەسەری پێویست، بەهۆی سەختی برینەكەی گیانی لەدەستدا، لە ئێستادا هەردوو كوژراوەكە هەریەكەیان لە لایەنێكی ڕوداوەكەیە. دوای ئەنجامدانی پشكنینی توێكاری لە پزیكشی دادی ڕانیە تەرمەكان ڕادەستی كەسوكاریان دەكرێنەوە ‌و لێكۆڵینەوە لە ڕووداوەكە دەستی پێكردووە ".

#کوردپرێس #ڕاپەڕین #پۆلیس #شەڕەتەقە #ڕانیە #شۆڕش ئیسماعیل

زیاتر بخوێنەوە

هەواڵی پێشوو و داهاتوو