پێنج کەس لەسەر ڕووداوی ئاگرکەوتنەوەکەی سۆران دەستگیر کراون
بەشی عێراق و هەرێمی کوردستان- له‌سه‌ر كه‌وتنه‌وه‌ی ئاگره‌كه‌ی قه‌زای سۆران تائێستا ۵ كه‌س به‌بڕیاری دادوه‌ر ڕاگیراون و لێکۆڵینەوەیان لەگەڵ دەکرێت.
بەپێی هەواڵی کوردپرێس، تەلەفزیۆنی کوردستان ۲۴ بڵاوی کردەوە، لیژنەی لێکۆڵینەوە لە ڕووداوی ئاگرکەوتنەوە لە باڵەخانەیەکی سۆران گەیشتوونەتە دەرئەنجامی ئەوەی ئاگرەکە لەکوێوە سەرچاوەی گرتووە، بەڵام لە لێکۆڵینەوە و بەدواداچوون بەردەوامن سەبارەت بە یەکلایی‌کردنەوەی هۆکاری کەوتنەوەی ئاگرەکە.
بەپێی ئەوەی ئاماژەی پێدراوە، بە بڕیاری دادوەر پێنج کەس تاوەکوو ئێستا بەهۆی ڕووداوەکەوە ڕاگیراون و لێکۆڵینەوەیان لەگەڵ دەکرێت، کە یەکێکیان خاوەنی باڵەخانەکەیە و یەکێکی دیکەشیان خاوەنی مۆبیلیاتێکە لە بەشی خوارەوەی باڵەخانەکە کاری دەکرد لەگەڵ سێ کرێکاری ئەو شوێنە بازرگانییە.
بۆچوونی بەکارهێنەران