لە هەولێر 5 هەزار دەمانچە لەناوبرا
بەشی عێراق و هەرێمی کوردستان- ئاسایشی هەولێر ئاشکرایکرد، ئەمڕۆ پێنج شەممە پێنج هەزار چەکی جۆری دەمانچەی تورکی لەناوبرا.
بەپێی هەواڵی کوردپرێس، بەڕێوەبەرایەتی گشتی ئاسایشی هەولێر لەڕاگەیەندراوێکدا ڕایگەیاند: ئەمڕۆ پێنج هەزار چەکی جۆری دەمانچەى تورکی لەناوبرد، کە لەماوەى ڕابردوودا دەستیانبەسەرداگیرابوو و فەرمانی لەناوبردنیان بۆ دەرچووبو.
ئەوەش خراوەتەڕوو، هێزەکانیان بەردەوام دەبن، لەدەستبەسەرداگرتنی هەموو چەکە قەدەغەکراو و بێمۆڵەتەکان، کە بوونەتە هۆی مەترسی و تاوانکاری لەناو کۆمەڵەگەدا.
ئین ئاڕتی لەبارەی هۆکاری لەناوبردنی ئەو 5 هەزار دەمانچەوە ڕایدەگەیێنێت: "لەبەر ئەوەی دەمانچە تورکییەکان کوالێتییان باش نییە و بەکەڵکی ئەوە نایەت هێزە ئەمنییەکان بەکاریبهێنن، بۆیە لەناوبراون."
کۆدی هەواڵنێر: 60113
بۆچوونی بەکارهێنەران