ئەمریکا بەخشینی عێراقی لەسزاکانی سەر ئێران بۆ 90 ڕۆژی دیکە درێژ کردەوە
بەشی عێراق و هەرێمی کوردستان- ویلایەتە یەکگرتووەکانی ئەمریکا بۆ سێیەم جار بڕیاری داوە عێراق بۆی هەیە سێ مانگ درێژە بە هاوردەکردنی کارەبا و غازی ئێران بدات و لەو ماوەیەدا سزا سەپێندراوەکانی واشنتۆن لەدژی ئێران نایگرێتەوە.
کوردپرێس: ئاژانسی هەواڵی فرانس پرێس، لەزاری چەند سەرچاوەیێکی باڵای حکوومەتی عێراقەوە بڵاوی کردووەتەوە ئەمریکا بۆ ماوەی 90 ڕۆژی دیکە مۆڵەتی بە عێراق داوە بۆ ئەوەی وزەی کارەبا و غازی سروشتی لە ئێرانەوە هاوردە بکات.
دوای ئەوەی ئەمریکا لە ڕێککەوتنی ئەتۆمی لەگەڵ ئێران کشایەوە، زۆربەی گەمارۆکانی پێشووی خستەوە گەڕ و ئیدیعای کرد بڕی هەناردەکردنی نەوتی ئێران دەگەیێنێتە سفر.
عێراق ساڵانە بڕی 28 ملیۆن مەتر سێجا گازی سروشتی لە ئێرانەوە هاوردە دەکات و ئەمەش بۆ کاری وێستگەکانی کارەبا بەکار دەهێنێت و ڕاستەوخۆش بڕی یەک هەزار و 300 میگاوات وزەی کارەبا هاوردە دەکات.
کۆدی هەواڵنێر: 60113
بۆچوونی بەکارهێنەران