لەیلا گیوڤەن: ئەو بودجەیەی بۆ شەڕی پەکەکە تەرخان کراوە زۆر شتی باشتری پێدەکرا
کوردپرێس:
لەیلا گیوڤەن نوێنەری جۆلەمێرگ لەپەرلەمانی تورکیا لەپشکی پارتی دیموکراتیکی گەلان ماوەی 200 ڕۆژە بۆ ناڕەزایی دەربڕین بەرانبەر گۆشەگیریی سەر عەبدوڵڵا ئوجەلان مانی لە خواردن گرتووە و لە لێدوانێکدا ئاماژەی بە پەیامی ئاشتیی ئوجەلان کردووە کە لە ماوەی ڕابردوودا دەریکردبوو.
گیوڤەن دەڵێت: تورکیا لە مەرزی نێوان تورکیا و سووریا دیوار دروست دەکات و بە دیوارە ناحەزەکان خەڵکی لەیەک دەکات. عەفرینی داگیر کردووە و هاووڵاتییانی ئەوناوچەیە لەماڵی خۆیان دەردەکات و سوپای ئازاد دەهێنێتە شارەکە و نیشتەجێیان دەکات. بەڵام لەو لاوە ئوجەلان پەیامی ئاشتی دەنێرێت و بە سوپای سووریای دیموکرات دەڵێت دەرک بە نیگەرانییەکانی تورکیا لەبارەی سنوورەکانیەوە بکات. ئەمە پەیامێکی ئێجگار پڕبایەخە ودەبێت تورکیا قەدری بزانێت و بەهەندی وەربگرێت.
ناوبراو لە درێژەدا گوتوویەتی ئاکپارتی ئەم سیاسەتەی پێ نابرێتە سەر و هۆکارەکەشی قەیرانی دارایییە.
بۆچوونی بەکارهێنەران