فڕۆکە جەنگییەکانی عێراق ژووری ئۆپراسیۆنەکانی داعشیان لە سووریا بۆردومان کرد
بەشی عێراق و هەرێمی کوردستان- سوپای عێراق ڕۆژی پێنجشەممە ڕایگەیاند، فڕۆکە جەنگییەکانی عێراق لە بۆردومانێکدا ژووری ئۆپراسیۆنەکانی ڕێکخراوی داعشیان لە ناوخۆی سووریادا خاپورکردووە و ژمارەیێک چەکداریش کوژراون.
کوردپرێس:
لە بەیاننامەیێکدا سوپای عێراق ڕایگەیاندووە "بەگوێرەی زانیارییە هەواڵگرییەکان ئەو تیرۆریستانەی کە لە بۆردومانە ئاسمانییەکەدا کوژراون، سەرقاڵی داڕشتنی پلان بوون بۆ ئەنجامدانی هێرش و کردەوەی تیرۆریستی لە چەند ڕۆژی داهاتوودا لە ناوخۆی عێراق".
ئەوە لەکاتێکدایە پێشتریش فڕۆکە جەنگییەکانی عێراق چەند جارێکیتر بنکە و چەکدارەکانی داعشیان لە ناوخۆی سوریا بۆردومانکردووە.
دواتر لێپرسراوانی حکوومەتی عێراق ڕایانگەیاندووە، ئەو هێرشە ئاسمانییانە بە هەماهەنگی و ئاگاداری حکوومەتی سووریا ئەنجام دەدرێت.
کۆدی هەواڵنێر: 60101
بۆچوونی بەکارهێنەران