بۆردومان و تەقەی سوپای تورکیا بووە هۆی گیان لەدەستدانی منداڵێکی تەمەن 5 ساڵ
بەشی عێراق و هەرێمی کوردستان- لە ئاکامی بەردەوامیی بۆردومانەکانی سوپای تورکیا لە سنووری برادۆست منداڵێکی تەمەن پێنج ساڵان گیانی لەدەستدا و بەڕێوەبەری تەندروستی ناوچەی نزارییەی ئەو سنوورەش رایگەیاند، منداڵەکە لە ترسی بۆردومانەکان گیانی لەدەستداوە.
کوردپرێس:
کاروان حەمید، بەڕێوەبەری بنکەی تەندروستیی گوندی نزارییە لەو بارەیەوە رایگەیاند، کاتژمێر هەشت-ی ئێوارەی ڕۆژی 16ی تەمووز منداڵێکی پێنج ساڵان بە ناوی محەمەد مەعروف گەیەنراوەتە بنکە تەندروستیەکەی نزارییە و دوای پشکنین دەرکەوتووە ئەم منداڵە گەشکەی هەبووە و بە کاریگەریی تۆپبارانەکان و "لەترسا" گیانی لەدەستداوە.
هاوکات ئیحسان چەلەبی، بەڕێوەبەری ناحیەی سیدەکان رایگەیاند، لە کاتژمێر ٦:٠٠ ی ئێوارە هەتا کاتژمێر ٧:١٥ بۆردومان و تەقەی سوپای تورکیا لە ناوچەکە بەردەوام بووە و پەکەکەش لە سێ قۆڵەوە لە چیادێل لەگەڵ سوپای تورکیا رووبەڕوو بووەتەوە.
*لە ماڵپەڕی خەندان وەرگیراوە
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران