پەرلەمانی كوردستان گۆڕانكاری لە 3 مادەی پرۆژە یاسای چاكسازی دەكات
بەشی عێراق و هەرێمی کوردستان- کۆبوونەوەی پەڕلەمانی کوردستان کۆتایی هات و جەعفەر ئیمینكی جێگری سەرۆكی پەرلەمانی كوردستان رایگەیاند، گۆڕانكاری لەسێ مادەی پرۆژە یاسای چاكسازیی هەرێمی كوردستان دەكەن.
کوردپرێس:
جەعفەر ئیمینكی جێگری سەرۆکی پەڕلەمانی کوردستان پاش کۆبوونەوەکەی ئەمڕۆی پەڕلەمانی لەمیانی لێدوانێكی رۆژنامەوانیدا رایگەیاند: پەرلەمان گۆڕانكاری لە 3 مادەی پرۆژە یاسای چاكسازی دەكات و بۆ گۆڕانكارییەكان لەپرۆژەیاسای چاكسازی گفتوگۆیان لەگەڵ حكوومەت كردووە و گفتوگۆكانیش بەردەوامە.
جێگری سەرۆكی پەرلەمان ئامادە نەبوو وردەكاریی گۆڕانكارییەكان بخاتە ڕوو، ئەوەشی راگەیاند، كە گۆڕانكارییەكان لەلایەن لیژنە تایبەتمەندەكانی پەرلەمانی كوردستانەوە كراوە.
پرۆژەیاسای چاكسازی لەلایەن حكوومەتی هەرێمی كوردستان ئامادە كراوە و پەرلەمانی كوردستانیش بەهۆی چەند تێبینییەكەوە، تائێستا پەسەندی نەكردووە، كە ئەوەش كێشەی لەنێوان هەردوولا دروست كردووە.
سەرچاوە: شارپرێس
کۆدی هەواڵنێر: 60101
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران