بزووتنەوەی ئیسلامی:
ڕاشکاوانە بە تورکیا و ئێرانمان ڕاگەیاندووە خۆمان چارەی گەلەکەمان دەنووسین
بەشی عێراق و هەرێمی کوردستان- وەزیری دەرەوەی تورکیا لەگەڵ هەندێک لایەنی سیاسیی هەرێمی کوردستان دیداری کرد و سەرکردەیێکی بزووتنەوەی ئیسلامی هەڵوێستی حیزبەکەی سەبارەت بە ڕێفراندۆم لە بەرامبەر تورکیادا ئاشکرا دەکات.
بەپێی هەواڵی کوردپرێس مەولوود چاوش ئوغڵو ڕۆژی چوارشەممە یەکی خەرمانان گەیشتە هەرێمی کوردستان و پاش دیدار و گفتوگۆ لەگەڵ سەرۆکی هەرێم لەگەڵ هەندێک حیزب و لایەنی سیاسیی هەرێمیش کۆبوویەوە.
سەلام کەریم عەبدوڵڵا ئەندامی سەرکردایەتیی بزووتنەوەی ئیسلامی بە باسنیووزی ڕاگەیاند: "سەبارەت بە پرسی ڕێفراندۆم گفتوگۆمان لەگەڵ وەزیری درەوەی تورکیا کرد و بە ڕاشکاوی بە تورکیامان ڕاگەیاندووە کە گشت‌پرسی بەڕێوە دەبەین و هەمان هەڵوێستیشمان لە بەرامبەر ئێراندا دەبێت.
ناوبراو درێژەی پێدا: ئۆغڵوو سپاسی بزووتنەوەی ئیسلامیی کرد کە بە ڕاشکاوی هەڵوێستی خۆی لەبارەی ڕیدراندۆمەوە دەگەیێنێتە ئەو وڵاتە و ئێمەش وتمان سیاسەتەکانی بەغدا تا ئێستا زۆر هەڵە بوونە.
بۆچوونی بەکارهێنەران