داوا لە هەموو تاکێکی گەلەکەمان دەکەم ئەم جەژنی رەمەزانە بکەنە جەژنێکی برایەتی
بەپێی هەواڵی کوردپرێس، بەبۆنەی جەژنی رەمەزانەوە، ڕەجەب تەییب ئەردۆغان سەرکۆماری تورکیا، پەیامێکی ڤیدیۆیی بڵاوکردەوە و پیرۆزبایی لە هاووڵاتیان کرد و رایگەیاند: ''هیوادارم جەژن ببێتە مایەی ئاشتیی، ئارامیی و خۆشگوزارانی بۆ وڵات گەلەکەمان، جیهانی ئیسلامی و هەموو مرۆڤایەتیی".
لە پەیامەکەیدا ئەردۆغان باسی لەوە کرد کە لەلایەک خەمباری لە بەڕێکردنی مانگی رەمەزان و لە لایەکی دیکەوە دڵ خۆشی گەیشتن بە جەژن کە سمبوولی گشت جوانیەکانی مرۆڤە، دڵەکانی پڕکردووە.
ئەردۆغان سوپاس و ستایشی خوای کرد کە گەلەکەی بە سەلامەتی و خۆشی گەیشت بە جەژنێکی دیکەی رەمەزان، جەختی لەسەر ئەوە کردەوە کە جەژنەکان یەکێتیی و پێکەوەیی بەهێز دەکەن.
هەروەها ئەردۆغان هیوای خواست جەژن ببێتە مایەی ئاشتیی، ئارامیی و خۆشگوزارانی بۆ وڵات و گەلەکەی و، جیهانی ئیسلامی و هەموو مرۆڤایەتیی و، رایگەیاند: ''داوا لە هەموو تاکێکی گەلەکەمان دەکەم جا لە هەر رەچەڵەک و لەسەر هەر باوەڕێکە ئەم جەژنی رەمەزانە بکەنە جەژنێکی برایەتی گەورە کە تیایدا ٨٥ ملیۆن یەکتر لە ئامێز بگرن و گەردن ئازادی بکەن''.
بۆچوونی بەکارهێنەران