یۆنان ڕەتی دەکاتەوە ئەندامانی پەکەکە لەو وڵاتەدا داڵدەدرابن
لەپێی هەواڵی کوردپرێس، ژمارەیێک لە میدیا یۆنانییەکان دەڵێن تۆمەتبار کردنی یۆنان بە داڵدەدانی ئەندامانی پەکەکە لەسەروبەندی کۆبوونەوەی ڕەجەب تەییب ئەردۆغان سەرۆک کۆماری تورکیا و کیریاکووس میتسۆتاکیس سەرۆک وەزیرانی یۆنان سازێنەر نییە.
بەگوێرەی ڕاپۆرتێکی گۆڤاری گریک سیتی تایمز، عومەر چیلیک جێگری سەرۆکی پارتی دەسەڵاتداری داد و گەشەپێدان ڕایگەیاندووە پرسی پشتگیری کردنی یۆنان لە هێزەکانی پەکەکە لە کۆبوونەوەکەی نێوان ئەردۆغان و میتسۆتاکیس باسی لێوە دەکرێت.
بەڵام تاکیس تیۆدۆریاکوس، وەزیری ئاسایشی یۆنان دەڵێت: ئەم وتانەی بەرپرسانی تورکیا و میدیاکانی ئەو وڵاتە لەبارەی بوونی کەمپی ماشق کردنی پەکەکە لە ناو خاکی یۆنان ڕەت دەکەینەوە چوونکە بێ بنەمان.
ناوبراو جەخت دەکاتەوە ئەوەی کە تورکیا پێی دەڵێت کەمپی مەشق و ڕاهێنان، لە ڕاستیدا کەمپێکە بەناوی لاڤیرۆ کە بۆ جێگری کردنی پەنابەران دامەزراوە.
بۆچوونی بەکارهێنەران