فڕۆکەیێکی ئاگرکوژێنەوەی تورکیا لە باشووری ئەو وڵاتە کەوتە خوارەوە
بەپێی هەواڵی کوردپرێس، ئاژانسی ئەنادۆڵی تورکیا بڵاویکردەوە، دوانیوەڕۆی ئەمڕۆ شەممە لەناوچەی مەراش لە باشووری وڵاتەکەیان فڕۆکەیێکی کوژاندنەوەی ئاگرکوژاندنەوە کەوتۆتە خوارەوە و هەشت کارمەند گیانیان لەدەست دا.
لەوبارەیەوە، ئاژانسەکە لەزاری بەڕێوەبەری ئیدارەی دارستانی نیشتیمانی تورکیا بڵاویکردۆتەوە کە فڕۆکەکە لەجۆری B-200 بووە و لە رووسیا بەکرێ وەریگرتووە.
ئاماژە بۆ ئەوەش کراوە، بەدیاریکراوی فڕۆکەکە لەسەر ئاسمانی مەراش کەوتۆتە خوارەوە و حەوت کەس وەکوو ستاف لەناو فڕۆکەکە بوون، بەوەش تائێستا میدیاکان باس لە مردنی هەشت کەس دەکەن بەهۆیەوە.
لای خۆیانەوە، میدیاکانی رووسیا هەواڵی کەوتنەخوارەوە فڕۆکە بەکرێگیراوەکەیان پشتڕاست کردەوە و رایانگەیاند، رووسیا لێکۆڵینەوە لە هۆکاری کەوتنەخوارەوەی دەکات، تائێستا بەرپرسانی تورکیاش هیچیان لەسەر هۆکاری کەوتنەخوارەوەی نەوتووە.
کۆدی هەواڵنێر: 60113
بۆچوونی بەکارهێنەران