باڵیۆزی یەکێتی ئەورووپا لە عێراق لەسەر پەسەند کردنی سزای چالاکوانانی بادینان هاتە دەنگ

بەپێی هەواڵی کوردپرێس، مارتن هوس، باڵیۆزی یەکێتی ئەورووپا لە عێراق لە پەیامێکدا رایگەیاندووە، ئەو بڕیارەی لە هەولێر دەرچووە و تیایدا جەخت لە زیندانی کردنی پێنج چالاکوان و رۆژنامەنووس کراوە بۆ ماوەی شەش ساڵ، لە کاتێکدایە کە رێکاری ناڕاست و ناتەندروست بەرامبەریان گیراوەتەبەر و نەتەوەیەکگرتووەکانیش ئاماژەی بەوە داوە".

ناوبراو راشیگەیاندوە: "مافی ڕادەربڕین و مافی ڕۆژنامەوانی، هەروەها دادگایێکی سەربەخۆ، یەکێکە لە مافە بنچینەییە سەرەتاییەکانی دیموکراتی".

شایانی باسە دوای تانەدان لە بڕیارەکەی دادگا لەبارەی سزادانی دەستگیرکراوانی چالاکوان و رۆژنامەنووسانی بادینان، رۆژی یەکشەممە دادگای تێهەڵچونەوەی هەرێم رایگەیاند: بڕیاری جێبەجێ کردنی سزاکەیانی پەسەند کردووە و خستوویەتیە بواری جێبەجێ کردنەوە.

سەرچاوە: ڕادیۆ نەوا

کۆدی هەواڵنێر: 60113