دوو تیرۆریستی مەترسیدارى داعش لە کەرکووک دەستگیر کران
بەشی عێراق و هەرێمی کوردستان- شانەى راگەیاندنى ئەمنیى دەستگیر کردنى دوو چەکدارى داواکراوى ڕێکخراوى تیرۆریستیی داعشى لە شارى کەرکووک، راگەیاند.
بەپێی هەواڵی کوردپرێس، شانەى راگەیاندنى ئەمنى لە راگەیەندراوێکدا ئاماژەى بەوە کرد، لەدواى بەدەستهێنانى زانیارى هەواڵگرى ورد، تیمەکانى هەواڵگرى سەربازى لە وەزارەتى ناوخۆ توانییان ئۆپراسیۆنێکى سەرکەوتوو لە شارى کەرکووک ئەنجام بدەن و دوو تاوانبارى داواکراو کە دوو تیرۆریستى مەترسیدارن، دەستگیر بکەن.
بەگوێرەى راگەیەندراوەکە ئەو دوو تاوانبارە لە بەناو مەفرەزە ئەمنییەکانى کەرکووکى ڕێکخراوى تیرۆریستى داعش کاریان کردووە و پێشتر لەلایەن دادگاوە داواکراو بوون و دۆسیەى لێکۆڵینەوە بۆیان کراوەتەوە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران