کۆمسیۆنی باڵای سەربەخۆی هەڵبژاردنەکان وادەی بانگەشەی هەڵبژاردنی عێراقی دیاری کرد
بەشی عێراق و هەرێمی کورستان- کۆمسیۆنی باڵای سەربەخۆی هەڵبژاردنەکانی عێراق رایگەیاند، ئامادەکارییان کردووە لە مانگی شەشدا بانگەشەی هەڵبژاردنەکان دەست پێبکات و بۆ ماوەی سێ مانگ بەردەوام بێت.
کوردپرێس:
تەلەڤزیۆنی ئێن ئاڕتی لە زاری چاوگێک لە کۆمسیۆنی باڵای سەربەخۆی هەڵبژاردنەکانی عێراق رایگەیاندووە، "هەوڵ دەدەن لەماوەی ٢٤ کاتژمێردا دەرئەنجامی یەکەمی هەڵبژاردنەکان رابگەیەنن".
چاوگەکە ئاماژەی بەوەش دا، ئەگەر دەرئەنجامی ژماردن و جیاکردنەوەی دەنگەکان بە دەستی و ئەلیکترۆنی بە رێژەی لەسەدا پێنج جیاوازییان هەبوو، ئەوە لە هەمان بنکە جارێکی دیکە بە دەستی دەنگەکان هەژمار دەکرێتەوە.
بڕیارە مانگی ١٠ی ئەمساڵ هەڵبژاردنی پێشوەختەی پەرلەمانی عێراق بەڕێوەبچێت و کۆمسیۆنیش رایگەیاندووە، هەموو ئامادەکارییەکیان کردووە بۆ ئەوەی پرۆسەکە بە شێوەیەکی تەندروست لەکاتی دیاریکراوی خۆیدا بەڕێوەبچێت.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران