وەزیری بەرگریی عێراق گەیشتە کەرکووک
بەشی عێراق و هەرێمی کوردستان- وەزیری بەرگریی عێراق گەیشتە کەرکووک و لەلایەن بەرپرسانی ئەمنیی و سەربازییەوە پێشوازیی لێکرا.
بەپێی هەواڵی کوردپرێس، ئەمڕۆ پێنجشەممە جومعە عیناد وەزیری بەرگریی عێراق گەیشتە شاری کەرکووک و لەگەڵ بەرپرسانی ئەمنی شارەکە نەخشەڕێگەی جێبەجێ کردنی رێککەوتنی ئەمنی لەگەڵ وەزارەتی پێشمەرگە تاوتوێ دەکەن.
پێشتریش هەولێر و بەغدا کاریان لەسەر چالاک کردنی چوار ژووری هاوبەش کردووە بۆ هەماهەنگی زیاتر لە نێوان سوپای عێراق و پێشمەرگە لە ناوچەکانی کەرکووک و دیالە ونەینوا بۆ ڕووبەڕووبوونەوەی شانە نووستووەکانی داعش.
شایانی باسە وەزارەتی پێشمەرگە و وەزارەتی بەرگریی عێراق رێککەوتنیان واژۆ کردووە، بۆ پڕکردنەوەی بۆشایی ئەمنی لە ناوچە کوردستانییەکان، بڕیار دراوە چەند ناوەند و لیژنەیێکی هاوبەش بۆ ئەم مەبەستە دروست بکەن.
کۆدی هەواڵنێر: 60113
بۆچوونی بەکارهێنەران