لە کەرکووک ئۆپراسیۆنی دژی داعش دەستیپێکرد
بەپێی هەواڵی کوردپرێس، تۆڕی ڕاگەیاندنی جەنگیی سەر بە سوپای عێراق لە کورتە ڕاگەیەنراوێکدا دەڵێت: بەرەبەیانی ئەمڕۆ هێزە ئەمنییەکانی سەر بە بارەگای فەرماندەیی ئۆپراسیۆنە هاوبەشەکان لە کەرکووک دەستیان کرد بە ئۆپراسیۆنێکی فراوان لە سێ قۆڵەوە بۆ لەناوبردن و ڕاوەدوونانی پاشماوەکانی داعش لە ناوچەکە.
بەپێی ڕاگەیەنراوەکە، قۆڵی یەکەم تایبەتە بە تیپیی هەشت و لیوای 45 بە هاوبەشی هێزی تایبەت و فەوجی هەواڵگری لە بارەگای کەرکووک بۆ پشکنینی دۆڵی شای.
قۆڵی دووەم تایبەتە بە تیپی پێنجی پۆلیسی ئیتیحادی و لیوای کردە تایبەتەکان بۆ پشکنینی و ڕاوەدوونانی چەکدارانی داعش لە دۆڵی زغیتون.
قۆڵی سێیەمە تایبەتە بە حەشدی شەعبی و لە گوندی سادە دەستپێدەکات بۆ گوندی عەسریە.
تۆڕی ڕاگەیاندنی جەنگی دەشڵێت کە فڕۆکە جەنگییەکان و هێزی ئاسمانیی عێراق پشتیوانی ئۆپراسیۆنەکە دەکەن.
کۆدی هەواڵنێر: 60113
بۆچوونی بەکارهێنەران