386 حاڵەتی مردن بە کۆرۆنا لە یەک ڕۆژدا تۆمار کرا
بەپێی هەواڵی کوردپرێس، ڕۆژی یەکشەمە 19ی گوڵانی 1400سیما سادات لاری وتەبێژی وەزارەتی تەندروستیی ئێران لە لێدوانێکدا دوایین ئامارەکانی لەبارەی کۆرۆناوە ڕاگەیاند و بەو پێیەش تا ئەم کاتە یەک ملوێن و 378 هەزار و 744 کەس ژەمی یەکەمی ڤاکسێنیان وەرگرتووە و 276 هەزار و 667 کەسیش ژەمی دووهەمیان وەرگرتووە و کۆی ڤاکسێنی کوتراو لە ئێران تا ئەم دەقەیە گەشتۆتە یەک ملوێن و 655 هەزار و 411
هەر بە گوێرەی ئامارەکەی وەزارەتی تەندروستیی ئێران 14 هەزار و 141 هاووڵاتیی دیکە لە 24 کاتژمێری ڕابردوودا تووشی کۆرۆنا بوون و بەوەش کۆی گشتیی تووشبووان گەیشتە 2 ملیۆن و 654 هەزار و 811 حاڵەت.
هەر بە وتەی سادات لاری لە ماوەی 24 کاتژمێری ڕابردوودا 386 حاڵەتی مردن بە هۆی کۆرۆنا تۆمار کراوە و کۆی قوربانیانی کۆرۆنا تا ئەم کاتە گەیشتۆتە 74 هەزار و 910 کەس.
شایانی باسە وتەبێژی وەزارەتی تەندروستی ئاشکراشی کرد تا ئەمڕۆ 2 ملیۆن و 109 هەزار و 702 کەس نەخۆشییەکەیان تێپەڕاندووە.
بۆچوونی بەکارهێنەران