هاوسەرۆکی یەکێتی لەگەڵ سەرۆککۆماری عێراق کۆ بوویەوە
کوردپرێس:
لە دیدارێکدا کە ژمارەیێک لە ئەندامانی دەستەی کارگێڕی و مەکتەبی سیاسیی یەکێتی ئامادەی بوون، گفتوگۆ لەبارەی دوایین پەرەسەندنە سیاسی، ئەمنی و ئابوورییەکانی ھەرێم و عێراق كرا و بە بایەخەوە باس لە رێوشوێنەکانی چارەسەرکردنی کێشەکانی نێوان ھەولێر و بەغدا کرا و جەخت لە کاری ھاوبەش و ھەماھەنگیی زیاتر کرایەوە لەپێناو سەقامگیریی سیاسی و ئابووری و باشترکردنی ژیان و گوزەرانی کۆمەڵانی خەڵک.
هاوسەرۆكی یەكێتی نیشتمانی كوردستان لە دەباشان پێشوازی لە سەرۆككۆماری عێراق كرد و باس لە دوایین پەرەسەندنە سیاسی، ئەمنی و ئابوورییەكانی هەرێم و عێراق كرا و بەبایەخەوە قسەش لە رێوشوێنەكانی چارەسەركردنی كێشەكانی نێوان هەولێر و بەغدا كرا.
هەر لە دیدارەكەدا دەرچەكانی چارەسەركردنی بودجە و مووچەی مووچەخۆرانی ھەرێم خرایەبەرباس، كە دەستوور وەك مەرجەعی تێپەڕاندنی دۆخەكە و گەیشتن بە رێككەوتن وەسف كرا.
هەر لە كۆبونەوەكەدا خستەگەڕی ھەوڵەكان و گفتوگۆ لەنێوان لایەنە سیاسییە عێراقییەكان و ھەرێم دووپاتكرایەوە بۆ بونیادنانەوەی متمانە و كاری ھاوبەش، كە ئەم ھەنگاوەش لە خزمەت بەرژەوەندی گشتیدا دەبێت.
*له PUK media وەرگیراوە
بۆچوونی بەکارهێنەران